आज बरसून यावे आभाळ सारे ..
अलगद मिठीत शिरावे अल्लड वारे.
एक व्हावे आकाशातील चंद्र तारे .
आज बरसून यावे आभाळ सारे ..
मुक्या पिल्लांना कुशीत घ्यावे .
दुःख त्यांचे ही जरा जाणून घ्यावे .
अश्रू डोळ्यांच्या कड्यावर थांबावे
आयुष्य प्रवास सुखाचा ...
फक्त आपण चालत रहावे ..
आज बरसून यावे आभाळ सारे..
चला शोधू जरा आनंदाचे किनारे .
त्या मेघवनावर फुलले पिसारे ..
उडणाऱ्या थव्याला मी विनविते थांब ना रे ..
आज बरसून यावे आभाळ सारे ..
आनंदाचे बीज जमिनीत रुजावे .
त्यातून ईवलुसे रोपटे उमलावे ..
कल्पवृक्षा समान त्याचे तत्व असावे ..
आज बरसून यावे आभाळ सारे .
दुर्गा मते
No comments:
Post a Comment
Comments plz.