स्वप्न अशी बघावी....

स्वप्न अशी बघावी ,

जी तुमच्या आवाक्यात आहे . तुमच्या प्रयत्नाने सहज पूर्ण होतील . उगाच मोठं मोठी स्वप्न बघून . ती स्वप्न अपूर्ण राहतील आणि मनात उदासीनता पसरेल अशी स्वप्न बघायलाच नको ....

आपल्या परिस्थितीतिचा आणि मन स्थितीचा विचार करून स्वप्न बघावी ... 

झोपेत पडलेली स्वप्न ही मृगजळ असतात आभासी असतात . त्यांचा विचार कधीच नको करायला . ती फक्त झोपी तच छान वाटतात . स्वप्न ती खरी होतात जी आपण उघडया डोळ्यांनी बघत असतो . आणि जिद्दीने ती स्वप्न पूर्ण करण्याचा प्रयत्न करतो ...

जर झोपीत पडलेली स्वप्न पूर्ण होत. असतील तर मग मलाही एक स्वप्न सारखं पडतं . स्वप्नात मला न्यूयॉर्कचा राजकुमार दिसतो . माझ्यासाठी थांबलेला .. माझी आतुरतेने वाट बघत असणारा ... आणि मला दोनशे टक्के खात्री आहे. हे स्वप्न एक मृगजळ आहे . फक्त एक आभास आहे ... त्यामुळे त्या स्वप्नाचा मी कधी विचार पण नाही करत आणि कधी करणार पण नाही . 

असो विषय भरकटत जाईल मी मेन मुद्यावर येते ....

स्वप्न हवेत तरंगणारी नको ,

जमिनीशी खेळणारी हवी ,

उदासीनता पसरवणारी नको ,

हर्ष फुलवणारी हवी ...

चंदनासारख झिजण्याची कुवत हवी ,

तरच निधड्या छातीने स्वप्न बघावी ,

बघितलेली स्वप्न सत्यात उतरवण्याची ,

ताकत मनगठात हवी ,

ती जगण्यास प्रेरणा देतील नवी ..

तरच स्वप्न बघावी ...

खूप सारी स्वप्न बघण्यापेक्षा एकच स्वप्न बघावं ,

त्या स्वप्न पूर्तीसाठी चं आयुष्य पणाला लावावं ...

दुर्गा मते

©®