उगवणे - मावळने ...

मावळता तो सूर्य माझा ,

घेऊन गेला सारी चिंता ,

उगवता तो सूर्य राजा ,

घेऊन आला आनंद वार्ता ...

मावळत्या सूर्याने वेचून नेले दुःख ,

उगवत्या सूर्याने ओंजळीत टाकले सुख ,

मावळत्या सूर्याने अपयश नेले सारे ,

उगवत्या सूर्याने खेचून आणले प्रगतीचे वारे ...

मावळत्या ने मिठीत घेतले सारे कुविचार ,

उगवत्या किरणांनी पाठवले सारे सुविचार ,

मावळत्याने अहंकाराला मावळायला सांगितले ,

उगवत्या ने माणसाला माणुसकी चे वरदान दिले ..

जसे सुख मावळते , तसे दुःखही मावळते ,

अपयशावर मात करून, पुन्हा यश उगवते ,

उगवणे - मावळने हीच खरी नियती ,

या नियतीवर अवलंबून माणसाची प्रगती ..