अजब क्षण

काहूर मनात अजब दाटले होते ,

तुझ्यासाठी काही वेगळेच वाटले होते ,

काय ते कळत नव्हते ,

कुठेतरी तुझ्यातच मन रमले होते ,

एकांतात स्वतः ला मी शोधत होते ,

डोळ्यात साठवून ठेवलेल्या तुझ्या प्रतिमेला न्याहाळत होते ...

चित्त थार्यावर नव्हते ,

नयन माझे आसुसलेले तुलाच बिलगत होते ..

मन वेडे तुझ्या भवती रेंगाळत होते ,

तुला बघताच तेज ते नवखे ,

चेहऱ्यावर खुलत होते ...

अजब क्षण ते सुंदर वाटत होते ,

मला सतत तुझ्याकडे खेचत होते ...