आजचा दसरा मी कधीच नाही विसरू शकत

आजचा दिवस खूप छान दसऱ्याचा पण माझ्यासाठी मात्र काहीतरी वेगळाच ठरला . पण छानच खूप छान वाटलं . 

माझ्या माणसाचं माझ्याबद्दल असलेलं प्रेम दिसून आलं . आज सकाळीच उठून अंगणात रांगोळी वैगरे काढली .

त्यानंतर अचानक खूप विकनेस जाणवला . मी तेव्हा जी झोपली ते आता जस्ट उठले आणि लिहायला बसले . 

मी आजारी आहे म्हणल्या वर माझ्या ताईची मुलगी भक्ती ती माझ्याकडे आली . माझे बाबा ताप असल्यामुळे पाण्याच्या पट्ट्या डोक्यावर टेकवत होते . तर ती ही मध्ये लुटपुट करत होती . मी लावते दुर्गा मावशीला पट्ट्या अस म्हणत तिच्या कोवळ्या स्पर्शाने अर्धा विकणेस आणि ताप गेला . माझी आजी पण खूप चांगली आहे तिने माझ्यावरचं सर्व काम केलं.  बाबा तर विचारूच नका . ते तर खूप चांगले आहेत . मला बर नसल्यावर माझं त्यांच्या मनात असलेलं स्थान प्रेम खऱ्या अर्थाने दिसून येत . 

माझी आई नाही पण बाबा लहान पणापासून च माझ्या आजार पणात खूप काळजी घेतात . तीन वर्षानंतर आज पहिल्यांदा दुखलं . ते तर खूप नाराज झाले . कारण त्यांची खूप ईशा होती . आज त्यांच्या शेड समोर मीच रांगोळी काढावी आणि पूजा ही मीच करावी . पण शक्य झालं नाही . मग त्यांनीच केली . 

खरच आजचा दसरा मी कधीच नाही विसरू शकत .

तुम्हाला व तुमच्या परिवाराला दसऱ्याच्या हार्दिक शुभेच्छा 

सकाळ पासून द्यायच्या बाकी होत्या .

Happy dasra ....