सांगायची गोष्ट राहून गेली

पावसाची ती सर एकदाचं पडून गेली ,
नेमकी तीच गोष्ट सांगायची राहून गेली ,
जी होती मनात साचलेली ,
तिला बघताच मनात ओढ होती दाटलेली ,

उघड झाप तिच्या पापण्यांची ,

हृदयात रुतलेली ,

पावसाच्या सरीत ती मला भेटलेली ,

स्पंदनात माझ्या नाजूक उमलली ,

तिच्या स्मित हास्याने ती नाजूक कळी मनात रुजली ,
अविस्मरणीय आठवण बनून डोळ्यात सजली ,
तिला सांगायची गोष्ट च नेमकी राहून गेली ,
तिची माझी भेट परत कधीचं नाही घडली ....