जसा फुलाचा सुगंध तसं देवाचं अस्तित्व

अनेकांना हा प्रश्न पडतो . देव आहे की नाही ह्या जगात मलाही पडतो सारखा सारखा ...

मी आणि माझ्या बहिणीचा मुलगा देवपूजा करत असताना त्याने मला सहज विचारलं मावशी हा देव  असा कसा हा देव पाण्यातच का अर्थातच त्याच्या कोणत्याच प्रश्नाचं उत्तर माझ्याकडे नव्हत . कारण मी च कधीपासून देवपूजा करते . कळतही नसेल तेव्हापासून लागलेली सवय आहे ती , आवड म्हणून जोपासते .

मी त्याला फक्त गप्प बसतं होते . तू असं काही बोलू नको नाहीतर देव आपल्याला पाप करेल असं म्हणत त्याला गप्प बसवत होते . बिचारा मी असं बोलल्यावर  हिरमुसून

जायचा . माझे वडील पण तिथेच होते . ते आमच्या दोघांची गमंत पाहत होते . एक तर मला हरिपाठ घ्यायचा होता त्यात साहेबांची बडबड बाबांची  आणि माझी पल नजरानजर झाली . की त्यांनाही हसू यायचं आणि मलाही मी मात्र त्यांच्यावर रागवायचे तो हिरमुसला की परत त्याला जवळ घ्यायचे आणि जसं जमेल तसं सांगायचे . बाबा आम्हची गमंत किती वेळ बघत होते .

तो कितीवेळ देव खरच आहे का ह्या जगात असं म्हणत खूप डोकं लावत होता . मी त्याला खूप चिडून बोलले आणि मग नंतर समजाऊन सांगितल .

आपल्याला काय करायचं देव आहे की नाही . आपण कोण आहोत देवाच्या अस्तित्वाचा शोध घेणारो . त्याची पूजा केल्यावर आपल्याला प्रसन्न वाटतं . त्याच्या भक्तीत तल्लीन झाल्यावर समाधान मिळत तेच पुरावे देवाचे अस्तित्व आहे हे सिद्ध करत असतात .

मला खरच नाही माहीत देव आहे की नाही . पण देवावर खूप श्रद्धा आहे . विश्वास पण आहे . ज्ञानेश्वरी हा आवडता ग्रंथ आहे माझा ...

मला जे काही ज्ञान मिळालं आहे त्यात सर्वात जास्त वाटा आहे तो ज्ञानेश्वरी ह्या ग्रंथाचाच माझ्यावर खूप चांगले संस्कार केले ते ही ज्ञानेश्वरीनेच .   माझ्यात  चांगुलपणा किती आहे ते नाही माहीत पण जो ही काही थोडाफार आहे तो चांगुलपणा ही मला ज्ञानेश्वरी मुळेच लाभला आहे .

देव आहे की नाही हा प्रश्न कोणी मनात आनुच नये . त्याच अस्तित्व आहे . 💯टक्के आहे .

जसा फुलांचा सुगंध तस देवाचं अस्तित्व ..
मग कशाला हट्ट शोधण्याचा देवाचं देवत्व ..

फुलाचा सुगंध दरवळला , कधी दिसला का ?

नाही ना मग देव दिसायला हवा हा तरी माणसाने का हट्ट धरावा . जसा फुलाचा सुगंध तसं देवाचं अस्तित्व तो कोणीही शोधण्याचा प्रयत्न करू नये . कारण ते अस्तित्व फुलाच्या दरवळला ऱ्या सुगंधाप्रमाने आहे .

चुकीस क्षमस्व