नको आज चार भिंतीतील शाळा

बाई नको आज चार भिंतीतील शाळा ,
आज जरा अनुभवुया निसर्गातील कला ,

थांबवूया जरा आपुले लिहिणे वाचणे ,
ऐकुया  भिरभिरणाऱ्या पाखरांचे जीवनगाणे ,

पुस्तकाला थोडा वेळ ठेऊया दफ्तरात ,
शाळा भरवूया निसर्गाच्या सानिध्यात ,

आज चार भिंतीतील शाळेला लावुया कुलूप ,
अन् जाऊया पाहायला निसर्गाचा मुलुख ,

पुस्तकातल्या शब्दाचे अर्थ शोधुया नंतर ,
आधी दुरावलेल्या मानव आणि निसर्गाचे कमी करूया अंतर ...

बाई वर्गात शिकवलेली कवीता  ,
मला निसर्गाच्या सानिध्यात ऐकवा ,

कवितेविषयीची गोडी माझी वाढवा ,
निसर्गावर सुंदर काव्य ही मला सुचवा ,

आज पुस्तकातील प्रश्नांना. बाजूला ठेवूया ,
निसर्गातील प्रश्नांची उत्तरे आपण शोधूया ,

चार भिंतीतील शाळेला आज आराम देऊया ,
निसर्गातील गमंती - जमंती नव्याने शिकुया .........