वाळूचा खोपा किती सुंदर सजलाय.
तुझ्या - माझ्या प्रेमाला श्रृंगार चढलाय.
तू मला मी तुला पाहतच राहते ..
वेडे मन वाऱ्यासवे धाव घेते ...
डाव सुखी संसाराचा मांडला ...
तुझा माझा संसार आज खऱ्या अर्थाने थाटला ...
तू कळी मी पाकळी जोडी ही छान जमली ..
अथांग समुद्र किनारी तुझी माझी रास जुळली ..
हळव्या तुझ्या मनाने , माझ्या मनावर राज्य केले ..
तुला पाहता क्षणी मी तुझ्या प्रेमात पडले ..
साधे भोळे तुझे रूप आरसा मनाचा ..
संसार तुझ्यासवे थाटतांना विचार नाही केला मी क्षणाचा ..
काही ही झालं तरी तू हवा , होतास आयुष्यात माझ्या ..
तुझ्यासवे काटेरी वाटा ही भासे गुलाबाच्या पाकळ्या ..
वाळूचा खोपा किती सुंदर सजलाय.
तुझ्या - माझ्या प्रेमाला श्रृंगार चढलाय.
दुर्गा मते..
No comments:
Post a Comment
Comments plz.