त्याची हरवलेली स्वप्न तो तिच्यात बघत होता ..तो गावातील सर्वात गरीब शेतकरी , अख्या गावाचा लाडका बळीराजा होता ...त्याची कन्या दहावीत टॉप वन वर आली ...तो खूप खुश झाला ..पाटलाच्या मुलींपेक्षा आपली मुलगी छान स्कोअर वर टॉप वन वर आली ..ह्याचा त्याला खूप आनंद झाला .
पुढे जाऊन तिने ' एम. जी. एम कॉलेजला प्रवेश घेतला ...डॉक्टर होण्याचं स्वप्न ती बघू लागली ..प्रत्येक वर्षी उत्तम गुण मिळवून उत्तीर्ण होऊ लागली ...
हॉस्पिटल मधील सर्वात उच्च डिग्री ल्यालेले डॉक्टर ही तिची जिद्द , चिकाटी बघून थक्क व्हायचे ...तिचं कौतुक करताना त्यांच्या मनात तिच्या बद्दल असलेला अभिमान त्याच्या शब्दा शब्दात व्यक्त व्हायचा ...
शेवटच्या वर्षी ही तिने जिद्दीने अभ्यास केला ..यश तिच्या अगदी नजदीक आले होते ...का कुणास ठाऊक की नियतीची विक्षिप्त खेळी ..ती कोण्या परक्या मुलासोबत पळून गेली ...स्वप्न तिची अर्ध्यावरच राहिली ..
गावातील लाडक्या बळीराजाची मान कायमची खाली झाली . ज्या लाडक्या लेकी मुळे त्याची मान अभिमानाने उंचावली होती . त्याच लाडक्या लेकी मुळे आज त्याची मान कायमची खाली झाली होती ...
दुर्गा मते...
©®
No comments:
Post a Comment
Comments plz.