आता नाही वेगल व्हायचं ...

तिचे गाल लाजेने टवटवीत झाले होते . कारण आज चक्क तीन वर्षानंतर तो तिला भेटायला येणार होता . तिचा हमसफर तिचा जीव की प्राण ....तीन वर्ष रिलेशन शिपमध्ये राहिले . आणि तीन वर्ष गॅप आणि आता परत नव्याने ते आज नवीन वळणावर भेटणार होते...

सीमा आणि विशाल ही लव्हस्टोरी आहे त्या लव्हबर्डची ..

जे कारण नसतांना एकमेकांपासून दूर झाले होते.  

तिला भेटायला आज विशाल येणार होता , तो तिच्या आत्याचाच मुलगा होता . पण तिच्या घरच्यांना तो बिलकुल ही पसंद नव्हता.  तसा मनाने खूप चांगला होता . पण खूप दारू प्यायचा . त्याची पहिली gf कोण असेल तर , ती त्याची दारू ...आणि नंतरची सीमा त्याची जाण .....आज चक्क तीन वर्षानंतर तो त्याच्या जानला भेटणार होता ...

दोघेही एकमेकांना भेटण्यासाठी  आतूर झाले  होते .

तीन वर्षानंतर ची जी ओढ असते , ती शब्दात थोडी ना सांगता येते ...

त्याच्या गाडीचा आवाज आला हिचे कान तृप्त झाले . घरात लुटपुट करणारी सीमा बाहेर कपडे धुण्यासाठी आली . त्याला बघताच ती भारावून गेली , पण स्माईल न देताच आत गेली . तीन वर्षानंतर त्याच्यासमोर जरा attitude दाखवू लागली . त्याला कळेना ही अशी का वागते ?  " काल भेटायला ये , असं सांगायला कॉल केला आणि आज अशी attitude का दाखवते . "

तो ही मग सारखं सारखं तिच्याशी बोलण्याचा प्रयत्न करू लागला . ती अजुनच भाव खाऊ लागली . तो अजूनच प्रेमाने मनवू लागला . 

" ये आयटम ..एवढ्या काय भाव खातेस ..बोल की भेटायला बोलवलं आणि मग आता अशी का वागतेस . 

त्याने तिच्या हाताला घट्ट विळखा घालत तिला थांबवलं .

" सोड रे , "

" का सोडू " ह्या नंतर जाऊन तिने त्याला एक घट्ट मिठी मारली . आणि त्यांच्या खांद्यावर डोकं ठेवून हमसून हमसून रडू लागली . 

" ये वेडा , काय झालं ? का रडतेस ? " तो तिच्या डोळ्यातील पाणी पुसत तिला विचारू लागला ..

ती त्याच्या छातीवर आपल्या हाताने हलकेच मारत , " रडू नको तर काय करू ..गेल्या तीन वर्षांत तुला एकदाही माझी आठवण नाही का आली ? कधी माझी विचारपूस नाही का करावीशी वाटली ? "

" तुला वाटलं का असं काही ? माझे वडील गेले तेव्हा तुला माणुसकी म्हणून एक साधा कॉल ही नाही करावासा वाटला . " 

तो जरा चिडून बोलला . ती निशब्द झाली त्याच्या ह्या प्रश्नाचं उत्तर तिच्याकडे नव्हत . ती काहीच बोलली नाही . थोडा वेळ दोघेही शांत राहिले मग परत थोड्या वेळाने त्यानेच सुरुवात केली बोलायला ...

" संपवलं तू होत आपलं नातं मी तरी कधीच नाही ? "

" मग काय करणार रे तेव्हा माझ्या आई वडिलांना संशय येत होता. त्यामुळेच बंद केलं होतं. " ती मान खाली घालुन बोलत होती शब्द तोंडातून बाहेर निघत नव्हते . 

" हो का ? आता परत संशय आला तर काय करायचं ग ?"

 तो तिच्यावर जरा चिडतच बोलला . 

ती त्याच्याकडे भावनाशून्य होऊन बघत होती , आणि त्याला खूपच प्रामाणिकपणे सांगत होती .

" आता काहीही झालं तरी वेगळं व्हायचं नाही . तुझ्याशिवाय मी जगूच शकत नाही . प्लीज मला इथून घेऊन चल , मला लग्न करायचं तुझ्याशी ...मी नाही जगू शकत तुझ्याशिवाय ..."

तो तिला सावरत तिची समजूत काढत , " सीमा मला ही लग्न करायचं आहे तुझ्याशी , तू जर मामाची मुलगी नसती ना , तर मी खरचं तुला पळवून नेलं असतं . पण मामाची मान खाली जाईल असं काही करायचं नाही ग मला ..तू प्लीज समजून घे . "

ती निशब्द होऊन , " काय समजून घेऊ तुला ? तू मला समजून घे , यार मी नाही राहू शकत तुझ्याशिवाय ...तू मला प्रॉमिस कर आता आपण वेगळं होणार नाही ."

" करतो मी तुला प्रॉमिस आता आपण काहीही झालं तरी वेगळं होणार नाही . पण तू शांत हो . "

ते दोघेही शांत होतात आणि आपले भूतकाळातील गोड क्षण आठवतात . त्यांचं ते रोज चोरुन भेटणं , कॉलेज मध्ये जातो सांगून बाहेर फिरायला जाणं . हातावर काढलेले एकमेकांच्या नावाचं गोंदण सारच त्यांना आठवू लागल ... 

त्यांच्या गप्पा खूपच रंगल्या होत्या तेवढ्यात सिमाच्या आईने आवाज दिला ..

" सीमा यांना जायचं आहे जेवणाचे ताट तयार कर . "

" हो आई " असं म्हणत ती घरात जाते . 

जेवण वैगरे झाल्यानंतर ते जायला निघतात . तेव्हा सीमा त्याला डोळ्यांनीच खुणवत होती ..नको ना जाऊ प्लीज थांब ना .. तो ही डोळ्यांनेच इशारा करत होता . स्वारी जावं लागेल ....तेवढ्यात त्याची आई आली आणि तो बाईक वर बसून निघून गेला . तो खूप दूरवर जाईपर्यंत ती त्याच्याकडे आणि तो तिच्याकडेच बघत होता ...

 क्रमशः 

जाईल का ही लव्ह स्टोरी बघुया पुढच्या भागात ....