आयुष्य दोन क्षणाचे

आयुष्य आपल दोन क्षणाच कधी संपेल सांगता येणार नाही. त्यामुळे जे काही आयुष्य मिळालं आहे ते आनंदाने जगावं . द्वेष  , तिरस्कार , मत्सर ह्याला आळा घालावा .
कोणालाही आपल्या मुळे त्रास होणार नाही . ह्याची काळजी घ्यावी . लोकांच्या चुका दाखवण्यासाठी पुढाकार नसावा तर , त्यांना चुका समजावून सांगण्यासाठी पुढाकार घ्यावा . चुकांवर हसू नये तर , तू आज  चुकलिस
ह्यानंतर चुकणार नाही ह्याची पुरेपूर काळजी घे. हे महत्त्वाचे बोल समजाऊन सांगण्यासाठी पुढाकार घ्यावा .

  ओंजळ जरी रिकामी असेल , तरी दान करण्याची कुवत असावी , हीच तर असते खरी माणुसकीची निशाणी ती जिवापाड जपावी .

देह लाभला तो झिजवण्यासाठी काबाड कष्ट करण्यासाठी त्याला झिजवाव ,  त्याला रापवाव आयुष्य  आपलं काळया मातीसंग नातं जोडतं जोडतं जगावं .

कोमल मनाने असंख्य मन जिंकून घ्यावी , आपल्या उपस्थितीत नाही तर , आपल्या अनुउपस्थित त्यांच्या तोंडून आपली कौतुक व्हावी . अशी आपली कहाणी असावी .

कोणी आपला तिरस्कार केला तरी आपण त्यांच्यावर प्रेम करावं . तिरस्काराला टक्कर म्हणून प्रेम वर्षाव करावा .

क्षणात परकेपणा देणारे खूप जण असतात . जे परकेपणा देतात ना त्यांना नेहमीच आपलेपणा देणारी मन श्रीमंती असावी . 

स्वाभिमान असावा अहंकार नाही . सॉरी ह्या शब्दाने अनेकवेळा तुटलेली नाती जोडली जातात . म्हणून एकदा नाहीतर हजार वेळेस सॉरी बोलण्याची तयारी असावी .

जिद्द असावी चिकाटी असावी जगण्याची कला असावी ,
अभिमान वाटावा अशी आपली कामगिरी असावी .

जगात येऊन फार काही चांगली कामं केली नाही तरी चालेल , पण वाईट कामं करू नये .