त्या वळणावर

त्या वळणावर आपण भेटलो ,

न भेटलो होतो कधी असे ,

शब्दा पुरतीही ओळख नव्हती ,

तरीही तुला माझी आस होती .....

मला तुझी ओढ होती .....

त्या वळणावर मी उभी राहिली ,

उन्हाचे चटके होते सोबतीला ,

त्यात तुझ्या सावलीचे आलिंगन लाभले ,

त्या वळणावर तुझ्याशी नाते हे जुळले .....

शरदात चंद्र तो खुलतो ,

अरे त्याचेच प्रतिबिंब तू मला भासतो ,

त्या वळणावर चांदण्याची रात ,

त्यात तुझी मिळालेली साथ ..

मनी दाटलेला प्रेमाचा गोडवा आठवतो ...