किती बरं होईल...

खरच किती बरं होईल ...
जो आवडतो तो आयुष्यात आला तर ,
त्याची साथ आयुष्यभर मिळाली तर ...

त्याच्या सोबत सार सुख मिळेल असं नाही ,
पण तो जे ही काही देईल ,
ते इतर कोणी कधीही देणार नाही ...

त्याच्या सोबतचा प्रत्येक क्षण अनमोल ,
जपला आहे काळजात खोलवर ...

  रोज स्वप्नात जो दिसतो तो आयुष्यात यावा मनापासून वाटतं . देवाने एकदा तरी माझ्या नशिबाच नाही तर माझ्या मनाचं ऐकावं असं मनापासून वाटतं .

ज्याच्यावर प्रेम करते तो दूनियातील बेस्ट पर्सन आहे . असं नाही पण ह्या दुनियेत  त्याच्यासारखा दुसरा शोधूनही सापडणार नाही . हे खर सत्य मनाला बोचत . आणि मग थोडस नशीब आणि नियतीवर रुसावस वाटतं .

देवाला कळकळीने सांगावस वाटतं . जो आवडतो तोच नशिबात असू दे . माझ्या नावापुढे फक्त त्याच नाव लागू दे , जे मनात घर करून राहिल आहे . त्याचा आठवणीत मन रोज रमु लागलं . त्याच्यावर बंधन नाही . तर विश्वास
ठेवायला जास्त आवडू लागल .

आयुष्या तील एक कोरं आणि चकचकीत स्वप्न एवढंच ज्याच्यावर जिवापाड प्रेम करते , त्याचा आयुष्यभराचा सहवास लाभू दे , त्याच्या सहवासात जीवन हे बहरून जाऊ दे ..बंध हे प्रेमाचे नव्याने जुळून येऊ दे ...

माझ्याच आयुष्यात नाही तर असं प्रत्येकाच्या आयुष्यात होऊ दे ज्याला जो व्यक्ती आवडतो ना तोच व्यक्ती त्याच्या आयुष्यात येऊ देत . जो आनंद आवडीच्या माणसाबरोबर जीवन जगत असताना मिळतो ना तो आनंद इतर कोणत्याही ठिकाणी मिळणार नाही .