मनोगत लेखकाचे

आज खूप छान विषय सुचला मनोगत लेखकाचे ....

माझ्या परीने लिहिण्याचा प्रयत्न करत आहे . चुकल तर प्लीज माफ करा ...

लेखक समाजातील महत्वाचा घटक त्याच्या लिखाणातून तो कधी समाज प्रबोधन करतो , तर कधी मनोरंजन करून वाचकांना हासवतो . कधी प्रेम रंगात तल्लीन व्हायला लावतो . तर   कधी दुःखद  अनुभव लिहून वाचकांना भाऊक करतो . लेखक समाजाचे खूप देणं लागतो . त्याच्या विचारशक्तीच्या बळावर तो खूप काही बदलू शकतो .

लेखकांचां नेहमी  प्रयत्न असतो , भरभरून लिखाण करून वाचकांच मन जिंकून घेण्याचा , स्वप्न असतं त्याचं आपल लिखाण जास्तीत जास्त लोकांपर्यंत पोहचवण्याच
लिखाणातून आपल्याला काही फायदा व्हावा हे त्यांच्या मनी ही नसत आणि ध्यानिही नसत . पण एक जरूर आपल्या भरभरून दाद मिळावी , पोच पावती म्हणून खूप साऱ्या समीक्षा मिळाव्या ही आशा मात्र त्याच्या मनात असते . आणि तो ती आशा प्रामाणिकपणे बोलूनही दाखवतो . ती पोचवती त्याची प्रेरणा असते . म्हणून तिची त्याला आस लागलेली असते. चार चौघात आपल लिखाण दर्जेदार असावं , हा ही लेखकाचा प्रामाणिक प्रयत्न असतो .

आम्हा लेखकांना फार काही नको असतं पोचपावती म्हणून तुमची एक समीक्षा आणि आमच्या लिखाणाला वाचक मंडळीकडून  भरभरून दाद मिळावी एवढीच काय ती आमची  आशा ......