परिस्थितीची जाणीव

परिस्थितीची जाणीव

Situational awareness

situational-awareness

परिस्थितीची जाणीव ....ती नेहमीचं स्वप्न बघायची...

तिच्या मनात विविध विचारांची गर्दी व्हायची...

फुलांच्या सुगंधाची भाषा तिला भारी आवडायची. 
फुल पाखरांसारखे आपण ही बाग डावे..

मनी  इच्छा दाटायची .....
कोवळी पोर ती परिस्थितीची जाणीव होताच ..
कोलमडून जायची ...
मनी रुजलेली इच्छा आतल्या आत च दाबायची ..

आणि त्या परिस्थितीच जगण्याचा खळखळून आनंद अनुभवत खळखळून हसायची ..

तीच शिक्षण 10 वी पर्यंत च झालेलं ..पुढे जाऊन खूप शिकण्याची  तिची इच्छा होती ..पण  ती इच्छा तिला आतल्या आतच मारावी लागली ..

कारण  परिस्तिथी ..

वडील आजाराने पिडलेले ... आई दुसऱ्याच्या शेतात जाऊन मोलमजुरी करायची ..घरात लहान भावंडे तिचं तेवढी मोठी आईच्या संसाराला तिच्या भावा बहिणीं च्या शिक्षणाला हातभार लावायची ....

भाऊ जिल्हापरिषद शाळेत इयत्ता दुसरीत शिकायचा तर तिची बहीण सुरभी इयत्ता सातवीत शिकायची ..दोन वर्षांपूर्वी ती 10 वी उत्तीर्ण झालेली ..

वयाच्या मानाने मन खूप मोठं होतं तिचं ...

10 वी नंतर तिने शिक्षणाला पूर्ण विराम दिला ...आणि शिवणकाम विणकाम सुरू केलं ...त्यातून जे पैसे मिळायचे ...त्यात भावा बहिणींच्या शिक्षणाला बाबांच्या आजार पणात लागायचे ...

फॅमिली साठी तिने तिच्या स्वप्नाला पूर्ण विराम दिला ..

परिस्थितीला सामोरं जाण्याच विचार पक्का केला ..

पण जेव्हा ही केव्हा ती मुलांना शाळेत जातांना बघते ..तेव्हा तिला वाटायचं आपण अजुन शिकलो असतो  ..तर किती बरं झालं असतं ...

तो विचार मनात येताच ती सकारात्मक तेणे विचार झटकायची ....

शिकलो असतो ..तर छान झालं असतं ..पण जे आहे ते ही काही वाईट नाही ....म्हणत खळखळून हसायची ..कारण तिला परिस्तिथी बदलता येत नव्हती ..तिला परिस्थितीची जाणीव होती ..म्हणून तिने मनस्थिती बदलली होती ...

Situational awareness - By- Durga Mate

situational-awareness