घराला घरपण आले

डोळे भरुनी बघतांना ,

आनंद होई मनाला ,

रिते हे घर आपुले ,
बघ कसे रे सजले ,
तू मला मी तुला ,
वळणावळणावर सावरले ,

त्याचेच ते फळ  जणू आज ,
पदरी पडले ,
घरकुल माझे आनंदाने सजले ..

ती चिमणी घेऊन आली ,
चिव चिव   चिव  ,
ऐकुन तिची चिव चिव ,

नशिबाला ही आली किंव ,
तिच्या रुपात पदरी पडले सोने ,
मी पावन झाले ,

तो लाडका माझा स्पर्श ,
वाढवेल रे ह्या कुळाचा वंश ,
सारे इथे माझेच अंश ,
प्रेमाने करतात दंश ,

तुझ्या साथीने ,
ते सारे मिळाले ,
घराला माझ्या घरपण आले ,

मन आता भरून आले ,
ओंजळीतील दुःख सारे सरले ,
सुख अतोनात भरले ,
घर माझे आनंदाने सजले ,
घराला घरपण आले ...