बेत फसला

बाबा कौतुक करून करून थांबले नव्हते ,

आज काहीतरी बिघडले होते ,

आईला उपवास होता ,

जेवायला आम्ही दोघेच होतो ,

त्यामुळे बाबा माझे खूप कौतुक करत होते ,

मी जेवायची बाकी होते ,

आज जेवायचं नाही का सतत बाबा विचारत होते ,

नसेल जेवायचं तर नको जेऊ ,

भाजी दे टाकून सतत सांगत होते ,

मला तर काहीच कळत नव्हते ,

नक्की माझे काहीतरी चुकले होते ,

ताटात भाजी घेतली , 

घास तोंडात टाकला ,

मीठ गरजेपेक्षा जास्त झाले होते ,

तरीही बाबा मटक्या मटक्या मारत मारत खात होते ,

कौतुकाचे पाढे गिरवत होते ,

नजरेने त्याने मला खुणावले ,

भाजीचा बेत फसला चिमणे .....

आज नव्हते ऐकायचे टोमणे ,

म्हणून कौतुकाचे पाढे गिरवले .....